Fanm Rasin Lakay

FRL 2018-2019 "Meet and Greet"

Fanm Rasin Lakay (FRL) se yon pwogram depatman lidèchip HELP(Haitian Education and Leadership)la mete sou pye nan lide pou akonpagnye medam ki gen pwoblèm pou sòti tèt yo nan antreprann aktivite ak nan patisipe nan poze aksyon lidèchip. Pwogram sa gen 3zan depi li egziste. Chak ane yo pran 8 medam pami bousye HELP yo ki nan dezyèm ak twazyèm ane nan inivèsite.

Medam sa yo swiv yon fòmasyon sou yon peryòd 8 mwa ki gen ladanl plizyè atelye ak tout mantora pwofesyonèl. Pou mantora a ka sou pye, responsab FRL yo chwazi kèk nan medam kap fè yon travay eksepsyonèl nan sosyete ayisyen an pou akonpagnye manb li yo nan ba yo enfòmasyon sou karyè yo ak pakou yo.

Anplis de 8 patisipan yo, FRL gen yon koòdinatris ak yon stajyè ki sèvi asistan pou koòdinatris la. De moun sa yo konpoze administrasyon FRL. Se yo menm ki planifye atelye, sòti sosyal, evenman, elatriye pou patisipan yo.

Aprè fòmasyon 8 mwa a, patisipan ap kourone "Fanm Rasin Lakay" sa ki ap vle di yo pare pou yo jwe wòl lidè yo san pwoblèm nan sosyete a